好奇的貓

真是丟盡台灣的臉, 無言

喊玲瓏賣雜細(小百貨)

作詞：謝麗燕
作曲：郭大誠
編曲：余大豪

玲玲瓏瓏　玲玲瓏瓏　喊玲瓏
賣什細　街頭巷尾四界踅(轉)
今日從這過　看您愛啥貨
攏毋免講價　絕對無問題
無論是胭脂水粉膨粉價膨紗
阮就是喊玲瓏　賣雜細

口白:來唷!來看我喊玲瓏的賣雜細,
不是欲賣你搖鼓嘎賣鼎擦(刷鍋子的),請各位就要乎詳細,
是欲來賣恁化裝的百貨.今天欲來俗俗仔賣,
彼個豬肉欲當作鹹菜價,若恁欠用才緊來拿.
看!偎來看!俗對半,不是我咧愛彈,
我的水粉提去抹,粧粧咧甘若阿旦,
一盒才賣您二塊半.
我昧吹雞奎啦,一個老阿婆今年八十幾歲,
抹著我的水粉擱會老水啊老水.
來唷!即嗎我來喝一支胭脂,胭脂若欲抹,
你就要揀彼囉好氣味的,若欲抹你著要抹嘴邊,
愛人仔嗅著才會心綿綿.各位小姐不通假敖(假會),
胭脂若抹在鼻頭,

剛好親像木柵仙公廟彼隻紅鼻猴.一支多少?
二塊四,慢且是,恁即嘛跟我買一支,
我另外送恁一支返去分厝邊,有人欲愛就即嗎緊講起,
若給我收起來才欲得,就是重講錢,
有人欲否? ,什麼!大家煞靜靜,各位大概是不合用.
人客啊!恁不通俗米嫌臭霉(霉味),
俗蕃薯給我嫌曲龜,賣恁俗恁給我嫌楣,
真珠給我當作老鼠屎.
無我即嗎擱來喝一領四十八人份的蚊罩,
也挺好圍籬笆,也挺好做灶腳,
也挺好做魚網仔提去外海拋,
一領才賣恁一十八.擱來噢!即嗎欲來喊一條齒膏,
各位咱遮男士朋友恁毋通看做是藥膏,
提返去厝內黑白抹黑白搔,搔一下久變胎痼(骯髒),
彼陣就乎您太太講恁去歪哥,
啊你就會真囉唆.來來來,來喝一塊雪文(肥皂),
香貢貢擱貢貢香,
洗一次香七天,初一提來洗身軀,十五猶咧輕鬆.
放咧三年過五冬,免驚會蛀空,
也免驚會生蟲.來唷!半賣半相送,
一項一項來加拼,甘若關公咧走麥城,現喊現輸嬴,
恁若欲愛才喝聲,緊來唷!